"Елбасы- елдің тірегі" ашық тәрбие сағаты
Мектебімізде 29-ші қараша күні Қазақстан Республикасы тұңғыш Президент күніне орай 7- 9 сынып оқушыларымен «Елбасы- елідің тірегі» атты ашық тәрбие сағаты ұйымдастырылып өткізілді.
Тәрбие сағатының мақсаты оқушыларға Қазақстан Республикасының тұңғыш Президенті Нұрсұлтан Әбішұлы Назарбаев туралы жан-жақты түсінік қалыптастыру, Елбасының қоғамға, мемлекетке сіңірген еңбегі, экономика мен саясаттағы реформаларына талдау жасау арқылы білімдерін толықтыру.
Іс-шара арнайы құрылған бағдарлама бойынша жүзеге асырылды. Ұйымдастыру кезеңінде оқушылар мемлекеттік гимн орындап, психологиялық тренинг ретінде «Тыныштық сәті» өткізілді.
Еліміздің тәуелсіздігін атап өту қарсаңында ел тарихына көз жүгіртіп, оқушыларға Еліміздің тарихындағы елеулі даталар туралы ашық сұрақтар қойылып, рәміздер туралы білімдерін жоғары деңгейде көрсетті. Оқушылар Елбасының өмірбаянын қысқаша көрініс арқылы көрсетті. Атап айтатын болсақ, дүниеге келген сәті, тұсаукесер рәсімі, алғаш мектеп табалдырығын аттаған кезі, Отан алдындағы азаматтық борышын өтеп келген сәті мен Елбасы атанған кезінен көріністер көрсетілді.
Ашық тәрбие сағаты барысында оқушылар өздерінің өлең жолдарын оқып, ән айтты тәуелсіздік жылдарымызда жеткен жетістіктерімізге тоқталып өтті. Ашық тәрбие сағатына мектеп әкімшілігі, ұстаздар және мектеп оқушылары қатысты.